PC Party chuan, India Constitution Article 164(1A) in Mizoram tan Minister 12 aia tam neih a phal loh laia portfolio nei hrang leh office nei thlapa Adviser to Chief Minister 5 kan neih hi Constitution kalhah PC Party chuan kan ngai, an ti.

Hei vang hian July ni 9, 2024 khan Governor leh ZPM Val Upa Council hnenah hma la tura ngenna lehkha kan pe ve ve a. Governor chuan nimin July ni 18, 2024 khan kan lehkha hi bawhzuiin Sr. PPS to Chief Secretary hnenah lehkha a thawn a. A lawmawm kan tiin rorelna dik hmuh ngei kan inbeisei a ni, tiin.

"ZPM Val Upa Council thu leh hla erawh kan la hre lo thung a ni" tiin an tarlang.